Ojahan Ni Huria.

1


Ojahan ni Huria sasada Jesus i,


Marhite pandidion rap dohot hata i,


Huria ni riritNa baen oroanNa i,


PinarbadiaanNa marhite Mudar i.


2


Sian saluhut bangso na di portibion,


Marhite haluaon sada Huria on,


Ai sada pandidion, sada haporseaon,


Sada nang panghirimon ni HuriaNa on.


3


Di angka parungkilon nang paraloan i,


Tongtong marpanghirimon di dame na hot i.


Gok do hamuliaon di alatanNa i,


I do na tau teanon ni HuriaNa i.


4


Tongtong marsada roha nang pe di tano on,


Huria na badia pinasupasuMon.


Ulaon na badia patogu roha on,


Tuhan Sitolu sada pamonang hami on.