He No Abõlõ Zi Fa’udu Khõda

1. He no abõlõ zi fa’udu khõda, sedõna mangalaini ya’ita.

He no fahõna gabula dõdõda, si mõi fombuwu wa’abõlõda.

Bõi tabulõ’õ ita khõ Zo’aya, noro dõdõ ta’ohe khõ-Nia.

Ta’odaligõ wamatõrõ Nia, botoda fao awõ gera-era.

2. Dozi ita samati khõ Zo’aya, falukha wolohi fango’aya.

Lõ aetu so wanandraigõ gafõkha, fa lõ tatema luo zi mõna.

Na lõ tebulõ ita khõ Zo’aya, Ibe geheha fangabõlõda.

Ena’õ tarugi ba zi so ama, naha si no Ihaogõ So’aya.

3. Ya bõi tebulõ watõtõnafõda, nifabu’u Yesu ba zimõna.

Da ta’alui naha so’ahonoa, si lõ fa’abudõdõ dania.

Da ta’alui naha so’ahonoa, si lõ fa’abu dõdõ dania.

Afõnu so wa’omuso dõdõda, lõ mamalõ sagõtõ fa’ara.

4. Bõi tebulõ wanõtõna dõdõda, khõ Yesu si mõna salahida.

Me lõ Ibe’e saekhu õlõ ita, he oya zafõkhõ nitaõgõda.

So zindruhu omusola dõdõda,na to’ele Zo’aya ya’ita.

Ikaoni dozi solo’õ li Nia, wanema fa’auri si lõ taya.