Ba Dõi Yesu Manunõga

1. Ba dõi Yesu manunõga, masuno’õ Yehowa

Khõu zumange ba lakhõmi, gõtõ-gõtõ wa’ara

Me fondrege zebua, wa’omasi-Mõ khõma

2. Ba dangau damatou’õga, boto ba tõma gõi

Dozigõ farou dõdõma, we’amõi ba gosali

Wamondrondrongo li Mõ, mõi fohagaini dõdõ

3. No amaedola zolofo, hulõ zowõkhi tõdõ

Omasiga mo’urakha, Soroi dromali-Mõ

Ya humulu dõdõma, wangondasi omo-Mõ

4. Abõlõ’õ ndra enoni, solohe taomali

Be’e wa’atua-tua, soroi ba geheha-Mõ

Afu oi mo’urakha, ba wanõndra fa’auri

5. So na zi lõ mangondrasi, Sitebai ba sofõkhõ

Mongawalõ dabi tabi, he gõi abula dõdõ

Tolo ira he So’aya, be’e howu-howu-Mõ

6. So nasa zarõrõ tõdõ, nisaisi gisõ’isõ

Ato gõi zimõrõ tõdõ, si lõ fangesa dõdõ

Be khõra geheha-Mõ, samasugi ba dõdõ

7. He ama Lowalangima, ya’e gangandrõwama

Efa’õ fefu horõma, ba dõi Yesu So’aya

Fahowu’õ ndra’aga, gõtõ-gõtõ wa’ara.